【殺手廢J】ANSONBEAN為新劇地獄式操肌　首次劇中用槍與陳湛文互射

ViuTV原創劇《殺手廢J》講述怕死的獨行殺手阿J（陳湛文飾）本來樂天知命地幹著專攻老弱傷殘的輕巧差事，但因行業萎縮，經營苦不堪言。他為求打破困境，半推半就加入了進取型的殺手企業。

劇中，陳毅燊（ANSONBEAN）經常以浮誇造型現身，佢話劇中角色係有「中二病」，每次都需要花大量時間搞造型。

▲ 《殺手廢J》陳湛文

ANSONBEAN指：「每次都要搞一個半小時，好在平時化妝都幾慢嘅，所以都習慣晒。呢部劇啲衫都幾緊身，所以我要戒食咸嘢，因為好容易水腫。不過現場比較熱，又要吸收大量蛋白質Keep大隻，放假嘅日子都去做Gym。」

他更表示係第一次在劇中用槍，坦言非常興奮，並自爆未埋位與陳湛文互射對方：「我有朋友開War Game場，未開拍前都搵朋友特訓，不論機槍定手槍啲動作都學到足。」 

最新影片推介：